उपाय सुचवा, 50 लाख मिळवा 

मुंबई : महापालिकेच्या पाच तलावांमध्ये मोठी नैसर्गिक संपदा आहे. त्याचा उपयोग येत्या काळात पर्यटनवाढीसाठी करण्यात येणार आहे. या तलावांमध्ये जलपर्यटनाची योजना राबविण्यात येणार आहे. 

हे ही महत्‍वाचे...काँग्रेस म्‍हणतयं आमच ठरलयं

तानसा, वैतरणा, मोडकसागर या तीन तलावांमध्ये पर्यटनाला चालना देण्यासाठी "विशेष पर्यटन विभाग' तयार करण्यता येणार आहे. खासगी भागीदारीतून या तलावांचा पर्यटनासाठी वापर करण्याचा महापालिकेचा विचार आहे. यात सायकल टूर, नेचर ट्रेल, बर्ड वॉचिंग, स्टार गेझिंग, नॉट मोटराईड वॉटर, स्पोर्टस कॅम्पिंग उपक्रम करण्यात येणार आहे. त्यातून महापालिकेला उत्पन्नही मिळेल. 

पालिका सुमारे 120 किलोमीटर अंतरावरून रोज पाणी आणून ते मुंबईला पुरवते. या पर्यटनाबरोबरच नागरिकांमध्ये पाण्याबाबत जनजागृतीही होईल, असा पालिकेचा दुहेरी हेतू आहे. त्याचबरोबर मुंबईतील हेरिटेज वास्तूंची सहलही सुरू करण्याचा पालिका विचार करत आहे. 

हे ही महत्‍वाचे...प्रवाशांना एसी लोकल नको. आहे त्‍यातच सुधारणा करण्‍याची मागणी
-------- 
उपाय सुचवा, 50 लाख मिळवा 
महापालिका ज्या समस्यांचा सामना करीत आहे, त्या समस्यांवर उपाय सुचविण्यासाठी नागरिक, विद्यार्थी, स्टॉर्टऍप्स, सामाजिक समूहांना आवाहन करण्यात येणार आहे. यातील विजेत्यास त्याने प्रस्तावित केलेल्या उपायांची प्रयोगिक तत्त्वावर अमंलबजावणी करण्यासाठी 50 लाखपर्यंतचे अनुदान देण्याचा किंवा काम करण्याची परवानगी देण्यात येईल. यासाठी 15 कोटी रुपयांची तरतूद करण्यात आली आहे.