Nana Patole : पक्षफोडीपेक्षा पेपरफुटीवर लक्ष द्या : नाना पटोले

मुंबई : ‘‘नोकरीचे स्वप्न पाहणाऱ्या राज्यातील लाखो तरुणांच्या भवितव्याशी भाजपप्रणित राज्य सरकार खेळ खेळत असताना उपमुख्यमंत्री देवेंद्र फडणवीस यांनी राजकीय पक्ष फोडण्यापेक्षा पेपरफुटी प्रकरणात लक्ष घालून लाखो बेरोजगारांचे संरक्षण करावे,’’ असे आवाहन काँग्रेस प्रदेशाध्यक्ष नाना पटोले यांनी आज केले.

तलाठी पेपरफुटीवरून सरकारला परीक्षार्थी बेरोजगारांनी घेरले असताना पटोले म्हणाले की, नोकरभरतीत घोटाळा झाला नाही अशी एकही परीक्षा होत नाही. गुरुवार (ता. १७)च्या तलाठी पदाच्या परीक्षेचा पेपर फुटल्यानंतरही माहिती उघड करणाऱ्या पत्रकार व वृत्तपत्रांवर हक्कभंगाच्या कारवाईचा इशारा गृहमंत्री देत असतील, तर हा प्रकार पूर्णतः हुकूमशाहीवादी आहे, असा संतापही त्यांनी व्यक्त केला.राज्यातील तीन पक्षांचे येडे सरकार विद्यार्थ्यांची क्रूर खट्टा करत आहे.

काँग्रेस विद्यार्थ्यांच्या पाठीशी

महाराष्ट्र लोकसेवा आयोगामार्फत घेण्यात येणाऱ्या परीक्षांसदर्भात विद्यार्थ्यांनी विविध मागण्या केल्या आहेत. या सर्व मागण्या रास्त असून, त्यांना काँग्रेसचा पाठिंबा असल्याचेही त्यांनी सांगितले.