Unauthorized School List
ESakal
ठाणे : नवीन शैक्षणिक वर्ष सुरू होत असताना ठाणे जिल्हा परिषदेच्या शिक्षण विभागाने पालकांसाठी धोक्याचा इशारा दिला आहे. जिल्ह्यात शासनमान्यता नसतानाही अनेक संस्थांनी अनधिकृतपणे शाळा सुरू केल्याचे निदर्शनास आले असून, अशा २७ शाळांची यादी प्रशासनाने जाहीर केली आहे. आकर्षक जाहिरातींना बळी न पडता केवळ मान्यताप्राप्त शाळांमध्येच पाल्यांचा प्रवेश घ्यावा, असे आवाहन प्राथमिक शिक्षणाधिकारी बाळासाहेब राक्षे यांनी केले आहे.