ठाणे : रेल्वे अपघातात (railway accident) दोन्ही पाय गमावलेल्या रूपाली मोरे (rupali more) हिला ठाणे पालिकेने (thane municipal corporation) हक्काचे घर दिले. राज्याचे नगरविकास मंत्री एकनाथ शिंदे (eknath shinde) यांच्याहस्ते बुधवारी तिच्या हाती घराच्या चाव्या (house possession) सोपविण्यात आल्या.
१४ ऑगस्ट रोजी रूपाली उपनगरी रेल्वेगाडीत चढत असताना धक्का लागून खाली पडली. यात तिला दोन्ही पाय गमवावे लागले. या घटनेनंतर एकनाथ शिंदे यांनी तिच्या उपचार आणि शिक्षणाचा पूर्ण खर्च उचलला होता. मानपाडा येथे राहणाऱ्या रूपालीकडे हक्काचे घर नव्हते. त्यामुळे तिची ही अडचण दूर करण्यासाठी पालिकेच्या वतीने तिला ठाण्यात घर देण्याचा निर्णय घेण्यात आला.
रूपालीला ठाण्यात घरकुल उपलब्ध करून देऊन शिवसेनेने शब्द पाळला असल्याचे शिंदे म्हणाले. यावेळी कल्याण डोंबिवलीचे खासदार डॉ. श्रीकांत शिंदे, सभागृह नेते अशोक वैती, ज्येष्ठ नगरसेवक दिलीप बारटक्के आणि शिवसेना वैद्यकीय मदत कक्षाचे प्रमुख मंगेश चिवटे उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
