Mumbra ShivSena: ठाण्याच्या मुंब्रा शाखेचा वाद हायकोर्टात जाणार?; ठाकरे गटाकडून कागदपत्रे तपासण्याला सुरुवात...

Mumbra ShivSena: ठाण्याच्या मुंब्रा शाखेचा वाद हायकोर्टात जाण्याची शक्यता आहे. ठाकरे गटाने कागदपत्रे  तपासण्यास सुरुवात केली आहे. मुंब्रा शाखेवरुन ठाकरे गट आणि शिंदे गट यांच्यात अस्तित्वाची लढाई सुरु आहे.

उद्धव ठाकरे यांच्या मुंब्रा शिवसेना शाखेच्या दौऱ्यात शिवसेनेच्या दोन गटात वाद रंगत असल्याचे दिसत आहे. दोन्ही गटांनी एकमेकांविरोधात काल (शनिवार) जोरदार घोषणाबाजी केली. (Latest Marathi News)

शिवसेना शिंदे गटाने उद्ध्वस्त केलेल्या मुंब्रा येथील शिवसेनेच्या शाखेला काल उद्धव ठाकरे यांनी भेट दिली. यावेळी उद्धव ठाकरे यांनी शाखेच्या जागेवरुन खोका उचलण्याचा इशारा दिला.

काय आहे संपूर्ण प्रकरण?

उद्धव ठाकरे काल (शनिवार) मुंब्रा शाखेची पाहणी करण्यासाठी उद्धव ठाकरे गेले होते. यावेळी ठाकरे गटाने पोलिसांना देखील इशारा दिला. एकनाथ शिंदे यांच्या शिवसेनेने नुकतीच मुंब्रा येथे अशी शाखा ताब्यात घेतली आणि ती पाडून नवीन शाखेचे बांधकाम सुरु केले. त्यामुळे उद्धव ठाकरे यांच्या नेतृत्वाखालील शिवसेनेच्या कार्यकर्त्यांमध्ये तणाव निर्माण झाला.