

SSO Cancer Hospital Opens Advanced Cancer Treatment Centre in Thane
ठाणे : कर्करोगाचे निदान झाले की रुग्णांसह संपूर्ण कुटुंबाची उपचारांसाठी धावपळ सुरू होते. कधी तपासण्यांसाठी एका रुग्णालयात, तर कधी शस्त्रक्रिया आणि औषधोपचारांसाठी दुसऱ्या रुग्णालयात फेऱ्या माराव्या लागतात. त्यात वेळ, पैसा आणि मानसिक त्रासाची भर पडते. मात्र, कर्करोगग्रस्तांची ही फरपट कमी करण्यासाठी आता ठाण्यातच ३० हून अधिक तज्ज्ञ डॉक्टरांची फौज सज्ज झाली आहे. एसएसओ कॅन्सर हॉस्पिटल्सने शहरात अत्याधुनिक कर्करोग उपचार केंद्र सुरू केले असून, निदानापासून शस्त्रक्रिया आणि उपचारानंतरच्या पुनर्वसनापर्यंत विविध सेवा एकाच छताखाली उपलब्ध करून देण्याचा निर्धार केला आहे.