संक्रात झाली गोड! एकेकाळी मुंबईचे हॉटस्पॉट ठरलेल्या या भागात कोविडचा एकही रुग्ण नाही

मुंबई: संक्रातीच्या मुहूर्तावर मुंबईच्या हॉटस्पॉटमध्ये महत्वाची घटना घडली आहे. सॅन्डहस्ट रोड, भायखळा, वरळी, दादर, माहिम यासह बोरीवलीतील एकाही इमारतीत कोविडचा रुग्ण आढळून आलेला नाही. संपूर्ण शहरातील अवघ्या 141 इमारतींमध्ये सध्या कोविडचे रुग्ण असल्याने या इमारती सिल करण्यात आल्या आहेत.

महानगर पालिकेच्या सार्वजनिक आरोग्य विभागाने ही माहिती प्रसिद्ध केली आहे. मुंबईत आजही 2 हजार 312 वस्त्या आणि चाळींमध्ये कोविडचे रुग्ण आढळल्याने त्या प्रतिबंधित करण्यात आल्या आहेत. यात 7 लाख 37 हजार नागरिक राहत आहेत. सिल इमारतींमध्ये 9 लाख 29 हजार नागरिक राहत आहेत.

घाटकोपर एन प्रभागात सर्वाधिक 23 सिल इमारती आहेत. त्या खालोखाल अंधेरी जोगेश्‍वरी पश्‍चिम के पश्‍चिम 14 आणि के पूर्व अंधेरी, जोगेश्‍वरी पूर्व प्रभागात 14 इमारती सिल आहेत. जी उत्तर म्हणजे दादर, माहिम, धारावी परिसरातील फक्त चार वस्त्या सिल करण्यात आल्या आहेत. चेंबूर पूर्व, एम पूर्व प्रभागातील सहा आणि भायखळा ई प्रभागातील आठ वस्त्या आणि चाळींमध्ये कोविडचे रुग्ण असल्याने त्या सिल करण्यात आल्या आहेत.

मुंबई विभागातल्या ताज्या बातम्या वाचण्यासाठी येथे क्लिक करा.

कांदिवली आर दक्षिण प्रभागातील 262 आणि के पश्‍चिम प्रभागातील 241 वस्त्या आणि चाळींमध्ये कोविडचे रुग्ण असल्याने त्या सिल करण्यात आल्या आहेत. मार्च पासून जून-जुलै पर्यंत वरळी, दादर, धारावी परिसरात कोविडचा कहर झाला होता. बोरीवलीही त्यानंतर हॉटस्पॉटमध्ये आली होती.

हेही वाचा- Gram panchayat Elections : 14 हजारांपेक्षा जास्त ग्राम पंचायतींसाठी आज मतदान, गावपातळीवर रंगणार लोकशाहीचा सोहळा

------------------------

(संपादन- पूजा विचारे)

There are no patients of Covid 19 hotspot area Mumbai