स्मारकाची उंची वाढवण्यासाठी पैसे आहेत, वाडिया रुग्णालयासाठी पैसे नाहीत का?

मुंबई : वाडिया रुग्णालायाला देण्यात येणाऱ्या अनुदानाचा वाद आता न्यायालयात पोहचला आहे. स्मारकांच्या उंची वाढवण्यासाठी सरकारकडे पैसे आहेत, मात्र वा़डिया ट्रस्ट रुग्णालयाला देण्यासाठी पैसे नाहीत का? असा सवाल उच्च न्यायालयाने सरकारला विचारला आहे.

हेही वाचा - सोनम कपूरला लंडनमध्ये का वाटली भीती?

काही दिवसांपासून अनुदानाच्या मुद्दावरून वाडिया रूग्णालय आणि मुंबई महापालिकेमध्ये वाद सुरू आहेत. अनुदान मिळत नसल्याने रूग्णालय बंद करण्याची वेळ ट्रस्टवर आली होती. त्यामुळे दिपक सिसोदीया या व्यक्तीने उच्च न्यायालयात याचिका दाखल केली होती. सिसोदीया यांनी याचिकेत हे रूग्णालय वाचवे. तसेच ह्या रुग्णालयाच्या सेवा पुर्वरत व्हाव्या असा आशय मांडला होता. महापालिकेकडून 14 कोटी आणि राज्यसरकारकडून 24 कोटीचा निधी रुग्णालयासाठी मंजूर करण्यात आला होता. परंतु हा निधी अद्याप ट्रस्टला मिळालेला नाही. या याचिकेवरील सुनावणी दरम्यान, न्यायालयाने सरकारवर ताशेरे ओढत, तुम्ही हे पैसे ट्रस्टला कधी देणार असा सवाल याआधी केला होता.

आता एमएसईबी देणार हा शॉक, वाचा संपुर्ण बातमी

आजही न्यायालयाने हा प्रश्न विचारल्याने त्यावर सरकारकडून समाधानकारक उत्तर न मिळाल्यानं उच्च न्यायालयाने सरकारला फटकारले आहे. एकीकडे प्रस्तावित स्मारकांसाठी तुमच्याकडे पैसे आहेत. आणि रुग्णसेवेसाठी पैसे नाहीत का? असा सवाल न्यायालयाने विचारला आहे. सर्वसामान्य लोकांच्या जगण्याशी संबधीत मुद्द्यांना प्राधान्य द्या तसेच 24 तासात हा निधी ट्रस्टला मिळवून द्या असेही न्यायालयाने म्हटले आहे. असे न झाल्यास संबधित अधिकाऱ्यांची आम्ही न्यायालय़ात परेड घेऊ असेही न्यायालयाने म्हटले आहे. 

त्यानंतर, सरकारी पक्षाच्या वतीने 24 तासाच्या आत रूग्णालयाला पैसे मिळतील अशी शाश्वती न्यायालयात देण्यात आली आहे. त्यासंबधी लागणारे सर्व दस्ताऐवज उद्या (शुक्रवारी) न्यायालयात सादर करण्यात येणार आहेत.