"बच्चन जेंव्हा असं करतात तेंव्हा..."; महानायक अमिताभ बच्चन यांच्यावर चोरीचा गंभीर आरोप

मुंबई : अमिताभ बच्चन तसे सोशल मीडियावर नेहमी ऍक्टिव्ह असतात. आपल्या आसपास काहीही चांगलं किंवा वाईट घडलं की त्यावर चपखल शब्दात व्यक्त होणारे बिग बी आपण नेहमीच अनुभवतो. मात्र अमिताभ यांनी शेअर केलेल्या अशाच एका फेसबुक पोस्टवरून अमिताभ बच्चन यांच्यावर एका तरुणीने थेट चोरीचे आरोप लावलेत. स्वतःच्या फेसबुकवरून या तरुणीने अमिताभ बच्चन यांना टॅग देखील केलंय आणि "अमिताभ बच्चन जेंव्हा असं करतात तेंव्हा हसावं की रडावं" असं कॅप्शन या तरुणीने लिहिलंय. 

महत्त्वाची बातमी : अजूनही FASTag काढलेला नाही ? जाणून घ्या कसा मिळवाल फास्टॅग

नक्की हा प्रकार आहे तरी काय ?

त्याचं झालं असं की, अमिताभ बच्चन बच्चन यांनी २४ डिसेंबररोजी फेसबुकवर एक पोस्ट शेअर केली आहे. या पोस्टच्या माध्यमातून अमिताभ यांनी एक सुंदर कविता शेअर करत चहा पितानाचा स्वतःचा फोटो देखील टाकलाय. दरम्यान, टीशा अग्रवाल नामक तरुणीने अमिताभ यांनी आपली कविता वापरल्याचा आरोप केलाय.

"जब Amitabh Bachchan आपकी पोस्ट की कॉपी करें और क्रेडिट भी न दें, खुश होएं की रोएं "

म्हणजेच जेव्हा अमिताभ बच्चन तुमची पोस्ट कॉपी करतात आणि त्याबद्दल सौजन्य देखील देत नाहीत तेंव्हा हसावे की रडावे" अशी भावना असल्याची पोस्ट या तरुणीने टाकली आहे.  

मुंबई परिसरातील बातम्यांचा आढावा घेण्यासाठी येथे क्लिक करा 

या संदर्भात या तरुणीने एका वेबसाईटला माहिती दिली आहे. माझी कविता मी फेसबुकवर शेअर केली होती. मात्र अमिताभ यांनी माझी कविता जशीच्या तशी कॉपी केली आणि स्वतःच्या फेसबुक पोस्टवर टाकली ज्याचे मला सौजन्य देखील देण्यात आले नाही. त्यामुळे स्वतः लिहिलेल्या कवितेचं श्रेय मिळायला हवं म्हणून बिग बी अमिताभ यांना टॅग करून पोस्ट केल्याचं म्हटलंय. 

tisha agarwal alleged big b Amitabh bachchan for stealing her poem and share without credits