पालिकेत ''केबल मॅन'' आणि ''एम ताई''ची चर्चा | Sakal
sakal

बोलून बातमी शोधा

पालिकेत ''केबल मॅन'' आणि  ''एम ताई''ची चर्चा
पालिकेत ''केबल मॅन'' आणि ''एम ताई''ची चर्चा

पालिकेत ''केबल मॅन'' आणि ''एम ताई''ची चर्चा

sakal_logo
By

पालिकेत ‘केबल मॅन’ आणि ‘एम ताई’ची चर्चा

मुंबई, ता. ७ : स्थायी समितीचे माजी अध्यक्ष यशवंत जाधव यांच्या ‘मातोश्री’ प्रकरणानंतर गुरुवारी ‘एम ताई’ कोण, याबाबत दबक्या आवाजात चर्चा सुरू होती. आयकर विभागामार्फत जाधव यांची चौकशी सुरू असून त्यात ‘केबल मॅन’ आणि ‘एम ताई’ला पैसे दिल्याची नोंद केल्याची माहिती समोर आली आहे.
जाधव यांच्या चौकशीत त्यांच्या डायरीत ‘केबल मॅन’ला चार टप्प्यांत सव्वा कोटी रुपये दिल्याच्या नोंदी आहेत. ‘एम ताई’ला ५० लाख रुपये दिल्याची नोंद काही कागदांवर सापडल्याचेही समोर आले आहे. सध्या पालिकेत त्याचीच चर्चा असून ‘केबल मॅन’ आणि ‘एम ताई’ नक्की कोण, याबाबत तर्कवितर्क लावले जातात आहेत.
‘केबल मॅन’ म्हणजे परिवहन मंत्री अनिल परब आणि ‘एम ताई’ म्हणजे महापौर किशोरी पेडणेकर असल्याची दबकी चर्चा सुरू आहे. यापूर्वी यशवंत जाधव यांच्या डायरीमध्ये ‘मातोश्री’ला दोन कोटी आणि ५० लाख रुपये दिल्याची नोंद सापडली होती. आता पुन्हा एकदा नवीन नोंदी सापडल्याने त्याचीच चर्चा पालिका वर्तुळात रंगली आहे. त्याबाबत यशवंत जाधव यांच्याशी संपर्क केला असता तो होऊ शकला नाही.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..