नील सोमय्या यांचाही अटकपूर्व जामीन अर्ज फेटाळला | Sakal
sakal

बोलून बातमी शोधा

नील सोमय्या यांचाही अटकपूर्व जामीन अर्ज फेटाळला
नील सोमय्या यांचाही अटकपूर्व जामीन अर्ज फेटाळला

नील सोमय्या यांचाही अटकपूर्व जामीन अर्ज फेटाळला

sakal_logo
By

मुंबई, ता. १२ : आयएनएस विक्रांत युद्धनौका जतन करण्यासाठी निधी जमा केल्याच्या प्रकरणात अडचणीत आलेले भाजपचे नेते किरीट सोमय्या यांना आज दुसरा झटका बसला. सोमय्या यांचे नगरसेवक पुत्र नील यांचा अटकपूर्व जामीन अर्ज सत्र न्यायालयाने फेटाळला. दरम्यान, किरीट सोमय्या यांनी आज तातडीने मुंबई उच्च न्यायालयात जामिनासाठी अर्ज केला असून बुधवारी (ता. १३) त्यावर सुनावणी होण्याची शक्यता आहे.

नील सोमय्या यांच्या जामिनावर आज सत्र न्यायाधीश आर. एन. रोकडे यांनी निकाल जाहीर केला. या प्रकरणात सुमारे ५७ कोटी रुपयांच्या निधीसंकलनाची कागदपत्रे दाखल झाली आहेत. त्यामुळे निधी जमा केल्याचे स्पष्ट होत आहे, असे निरीक्षण न्यायालयाने नोंदवले आहे. ट्रॉम्बे पोलिस ठाण्यात सोमय्या पिता-पुत्रांविरोधात गुन्हा दाखल झाला आहे. सत्र न्यायालयाने सोमवारी किरीट सोमय्या यांचा जामीन फेटाळला. अटक होण्याची शक्यता असल्यामुळे आता त्यांनी उच्च न्यायालयात धाव घेतली आहे. मुंबई पोलिसांनी हा गुन्हा आर्थिक गुन्हे शाखेकडे वर्ग केला असून बुधवारी पिता-पुत्रांना चौकशीसाठी नोटीस बजावली आहे. त्यामुळे ही सुनावणी तातडीने घेण्याची मागणी सोमय्या यांच्या वतीने करण्यात येणार आहे.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top