खोपोलीतील डीपी रोड क्रीडांगणासाठी नव्वद लाखांची तरतूद

खोपोली, ता. २५ (बातमीदार) : पालिकेच्या डीपी रोड क्रीडांगणाच्या विकासासाठी प्रस्ताव पाठवला तर राज्य सरकारकडून ९० लाखांची तरतूद करण्याची घोषणा रायगडच्या पालकमंत्री आदिती तटकरे यांनी शनिवारी चिंचवली शेकीन येथे केली. जिल्हास्तरीय कबड्डी स्पर्धेच्या उद्‌घाटनप्रसंगी त्या बोलत होत्या. या वेळी जिल्हा परिषदेच माजी उपाध्यक्ष सुधाकर घारे, नरेश पाटील, माजी नगराध्यक्ष दत्ताजी मसुरकर, सुमन औसरमल, राष्ट्रवादी रायगड जिल्हा युवक अध्यक्ष अंकित साखरे आदी उपस्थित होते.