फरारी डंपर चालकाला अटक

महाड, ता.२० (बातमीदार) : तालुक्यातील कोल गावाजवळ असलेल्या सुरेश मोरे यांच्या दगड खाणीत शुक्रवारी डंपर आणि क्रशरमध्ये चिरडून एका मजुराचा मृत्यू झाला होता. या घटनेनंतर फरारी झालेल्या डंपर चालकाला महाड शहर पोलिसांनी अटक केली. अनिल पवार (रा. आंबवडे, महाड) असे मृत कामगाराचे नाव आहे. ही घटना १८ फेब्रुवारीला संध्याकाळी साडेचार वाजण्याच्या सुमारास घडली होती. या प्रकरणी चालक आरिफ करीम अन्सारी इक्बाल याच्या विरोधात महाड शहर ठाण्यात गुन्हा दाखल करण्यात आला आहे.