Chavdar Lake
Chavdar Lake sakal

ऐतिहासिक चवदार तळ्याचा परिसर लवकरच सौरदिव्यांनी उजळणार

कामांसाठी सामाजिक न्याय विभागाने महाड पालिकेला ३० लाखांचा निधी नुकताच दिला

महाड : येथील ऐतिहासिक चवदार तळ्याचा परिसर लवकरच सौरदिव्यांनी उजळणार आहे. सुरक्षेसाठी सीसीटीव्ही कॅमेरेही बसवण्यात येणार आहेत. या कामांसाठी सामाजिक न्याय विभागाने महाड पालिकेला ३० लाखांचा निधी नुकताच दिला.

चवदार तळ्याचे पाणी प्राशन करून डॉ. बाबासाहेब आंबेडकर यांनी सामाजिक न्याय प्रस्थापित केला होता. यामुळे तळ्याला विशेष महत्त्व आहे. पालिकेनेही या तळ्याकडे विशेष लक्ष दिले असून तळ्याचे सुशोभीकरण केले आहे, परंतु तळ्याच्या परिसरात पथदिवे व वीज प्रकाश मर्यादित स्वरूपात होता, परंतु आता चवदार तळ्याचा परिसर उजळून निघणार आहे. सामाजिक न्याय विभागाने यासाठी महाड पालिकेला ३० लाख रुपयांचा निधी दिला आहे. सध्या तळ्याच्या दक्षिण बाजूस असलेल्या मुख्य रस्त्यावर पाच सौरदिवे बसवण्यात आले आहेत.
तळ्याच्या सभोवताली सुमारे २३ सौरदिवे बसवण्याचे निश्‍चित केले आहे. ‘व्हेलोरा इंडस्ट्रीज’कडून हे काम सुरू असून या कामामुळे चवदार तळे अधिकच आकर्षक दिसणार आहे.

तळे परिसराच्या सुरक्षेचीही खबरदारी घेण्यात आली आहे. त्यानुसार २२ सीसीटीव्ही कॅमेरे बसवण्यात येणार आहेत.
रायगड जिल्हा सामाजिक न्याय विभागाकडून चवदार तळे येथे सौरदिवे आणि सीसीटीव्ही कॅमेरे बसवण्यासाठी ३० लाख रुपयांचा निधी उपलब्ध झाला आहे. यामुळे चवदार तळ्याचा परिसर सुशोभित होईल.
- सुहास कांबळे, नगर अभियंता, महाड पालिका

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com