तोरणपाडा शाळेच्या ''जिव्हाळा'' हस्तपुस्तिकेचे गटशिक्षणाधिकारी शिल्पा दास व मान्यवरांच्या हस्ते प्रकाशन

‘जिव्हाळा’ हस्तपुस्तिकेचे प्रकाशन पाली, ता. १ (वार्ताहर) : पेडली केंद्राची शिक्षण परिषद नुकतीच आसरे कासारवाडी शाळेत झाली. या वेळी तोरणपाडा शाळेच्या ‘जिव्हाळा’ या हस्तलिखिताचे प्रकाशन गटशिक्षणाधिकारी शिल्पा दास, केंद्रप्रमुख घनःश्याम हाके व साधनव्यक्ती प्रकाश शेडगे यांच्या हस्ते करण्यात आले. या वेळी मुख्याध्यापक रवींद्र आंधळे, आसरे कासारवाडी शाळेच्या मुख्याध्यापिका माधुरी पारखे, के. ज. म्हात्रे, जगदीश म्हात्रे, सुरेश उमटे व पेडली केंद्रातील सर्व शिक्षक उपस्थित होते.