कर्जत, गुंडगे, भिसेगावमध्ये विजेचा सावळागोंधळ

कर्जत, ता. २४ (बातमीदार) : शहरातील भिसेगाव-गुंडगे भागात गुरुवारी रात्री एक ते सहा या कालावधीत कोणतीही पूर्वसूचना न देता वीजपुरवठा अचानक खंडित करण्यात आला होता. याचे पडसाद शुक्रवारी उमटले. नागरिकांनी वीज वितरण कार्यालयावर धडक देत उपअभियंता प्रकाश देवके यांना घेराव घालून धारेवर धरले. यावेळी नगरसेवक सोमनाथ ठोंबरे यांनी संताप व्यक्त केला. नगरसेवक उमेश गायकवाड यांनी वीजपुरवठा खंडित करण्यापूर्वी नागरिकांना पूर्वसूचना देणे क्रमप्राप्त आहे, असे स्पष्ट केले. सुजित धनगर, सामाजिक कार्यकर्ते अमोघ कुळकर्णी यांनीही संताप व्यक्त केला.