मुंबई शहरातील १०१ रस्त्यांसाठी ५६ कोटी | Sakal
sakal

बोलून बातमी शोधा

मुंबई शहरातील १०१ रस्त्यांसाठी ५६ कोटी
मुंबई शहरातील १०१ रस्त्यांसाठी ५६ कोटी

मुंबई शहरातील १०१ रस्त्यांसाठी ५६ कोटी

sakal_logo
By
मुंबई शहरातील १०१ रस्त्यांसाठी ५६ कोटी सकाळ वृत्तसेवा मुंबई, ता.२५ : महापालिकेच्या निवडणुकीच्या तोंडावर १ हजार ८१५ कोटी रुपयांच्या रस्त्यांच्या दुरुस्तीला मंजुरी मिळाली आहे. मात्र, रस्ते दुरुस्तीचे बाण अजून सुटतच असून मुंबई शहरातील १०१ रस्त्यांच्या दुरुस्तीसाठी ५६ कोटी रुपयांचा खर्च करण्यात येणार आहे. चेंबूर परिसरातील रस्त्यांच्या दुरुस्तीसाठी चार कोटी रुपयांचा खर्च करण्यात येणार आहे. महापालिकेने एप्रिल महिन्यात रस्तेदुरुस्तीच्या निविदा मागवल्या होत्या. मात्र, अनेक कारणांमुळे निविदा प्रक्रिया पूर्ण होऊन कामास मंजुरी मिळण्यासाठी डिसेंबर महिना उजाडावा लागला. स्थायी समितीत १ हजार ८१५ कोटी रुपयांच्या रस्तेदुरुस्तीला मंजुरी मिळाली आहे. सुमारे २०० कोटी रुपयांच्या रस्ते दुरुस्तीचे प्रस्ताव येत्या काही दिवसांत स्थायी समितीत सादर होण्याची शक्‍यता आहे. यापुढे जाऊन दक्षिण मुंबईतील पेव्हर ब्लॉकच्या लहान रस्त्यांचे सिमेंट काँक्रिटीकरण आणि डांबरीकरण करण्याचा निर्णय घेण्यात आला आहे. त्यासाठी महापालिकेने निविदा मागविल्या आहेत. दक्षिण मुंबईतील ६६ लहान रस्त्यांच्या दुरुस्तीसाठी महापालिकेने २८ कोटी ८४ लाख रुपयांचा खर्च अंदाजित केला आहे. दक्षिण-मध्य मुंबईतील ३५ रस्त्यांच्या दुरुस्तीसाठी २७ कोटी २५ लाख रुपयांचा खर्च अंदाजित केला. यासाठी महापालिकेने निविदा मागवल्या असून निविदा जानेवारी २०२२ च्या पहिल्या आठवड्यापर्यंत भरायच्या आहेत. चेंबूर परिसरातील २२ रस्त्यांच्या दुरुस्तीसाठी महापालिका ४ कोटी ४९ लाख रुपयांचा खर्च करणार आहे. अशा साधारण ६० कोटींहून अधिक कामासाठी निविदा मागविण्यात आल्या आहेत. -------- प्रत्येक किलोमीटरला ४१ लाख दक्षिण मुंबईतील ६९.९९ किलोमीटर लांबीच्या रस्त्यांची दुरुस्ती करण्यात येणार आहे. यासाठी पालिकेने २८ कोटी ८४ लाख रुपयांचा खर्च अंदाजित केला आहे. साधारण प्रत्येक किलोमीटरच्या रस्त्याला ४१ लाख २१ लाख रुपयांचा खर्च करण्यात येणार आहे.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top