अंधेरीत निर्बंध मोडत मालवणी जत्रोत्सव | Sakal
sakal

बोलून बातमी शोधा

अंधेरीत निर्बंध मोडत मालवणी जत्रोत्सव
अंधेरीत निर्बंध मोडत मालवणी जत्रोत्सव

अंधेरीत निर्बंध मोडत मालवणी जत्रोत्सव

sakal_logo
By
अंधेरीत निर्बंध मोडत मालवणी जत्रोत्सव व्हिडीओ व्हायरल झाल्यानंतर पोलिसांची कारवाई सकाळ वृत्तसेवा मुंबई, ता. १ : कोविडच्या पार्श्वभूमीवर विधीमंडळाचे अधिवेशन अवघ्या पाच दिवसात आटोपण्यात आले. रुग्ण वाढू लागल्यावर राज्यभरात निर्बंध लागू करण्यात आले. मुंबईतील नियम तयार करण्याची जबाबदारी महानगर पालिकेवर आहे. मात्र, मुंबई महानगर पालिकेच्या मैदानावरच मालवणी जत्रोत्सव सुरू असल्याचा खबळजनक प्रकार उघड झाला. त्याहून धक्कादायक म्हणजे शिवसेनेच्या पदाधिकाऱ्यांनीच हा मेळावा भरवला होता. कोविडच्या पार्श्वभूमीवर गेल्या महिन्यात अवघ्या पाच दिवसात विधीमंडळाचे अधिवेशन आटोपण्यात आले. त्या काळातही अनेक आमदार, मंत्र्यांना कोविडची बाधा झाली. अशातच डिसेंबर महिन्याच्या शेवटच्या आठवड्यापासून कोविडचे रुग्ण आढळू लागल्या पासून रात्रीची संचारबंदी लागू लागली. लग्नसोहळ्यांवर उपस्थितीचे निर्बंध आणण्यात आले. असे असतानाही अंधेरीतील डी. एन. नगर परिसरातील पालिकेच्या मैदानावर गेल्या काही दिवसांपासून जत्रोत्सव सुरू होता. शनिवारी या जत्रोत्सवाचे व्हिडीओ समाजमाध्यमांवर व्हायरल झाल्यानंतर खळबळ उडाली. शिवसेनेच्या स्थानिक पदाधिकाऱ्यांमार्फत हा जत्रोत्सव भरण्यात आल्याचे समजते. मात्र, याला अधिकृत दुजोरा मिळू शकला नाही. शनिवारीही येथे तुडूंब गर्दी होती. मात्र,व्हिडीओ व्हायरल झाल्यानंतर सर्व यंत्रणा कामाला लागली. पोलिसांनी कारवाई सुरू केली.मात्र, नियम बनविणाऱ्या पालिकेच्या मैदानावरच हा जत्रोत्सव सुरू असल्याने आता काय कारवाई करणार असा प्रश्‍न विचारला जात आहे.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top