कोविडसाठी औषध खरेदी | Sakal
sakal

बोलून बातमी शोधा

कोविडसाठी औषध खरेदी
कोविडसाठी औषध खरेदी

कोविडसाठी औषध खरेदी

sakal_logo
By
कोविडसाठी महापालिकेची औषधखरेदी ॊॊ‘मोलनुपीरवीर’ औषधालाही परवानगी; निविदा मागवल्या सकाळ वृत्तसेवा मुंबई, ता. ३ : ओमिक्रॉनचा संसर्ग वाढू लागल्यावर महापालिकेने कोविडविरोधात यंत्रणा कामाला लावली आहे. पालिकेतर्फे १०७ प्रकारची औषधे, १०० प्रकारची इंजेक्शन विकत घेण्यात येणार आहेत. तसेच भारतीय औषध नियंत्रकांनी गेल्या आठवड्यात परवानगी दिलेले मोलनुपीरवीर या ॲन्टिव्हायरल औषधाचीही खरेदी करण्यात येणार आहे. त्यासाठी महापालिकेने निविदा मागवल्या आहेत. अमेरिकेनंतर भारताने मोलनुपीरवीर या औषधाला परवानगी दिली आहे. गेल्याच आठवड्यात ही परवानगी मिळाल्यानंतर पालिकेने तात्काळ या औषधाची खरेदी करण्याचा निर्णय घेतला आहे. त्यासाठी निविदा मागवण्यात आल्या आहेत. या महत्त्वाच्या औषधांसह पालिका तब्बल १०७ प्रकारची विविध औषधे विकत घेणार आहे. यात गोळ्यांसह सीरपचाही समावेश आहे. साधारण तापाची पॅरासिटामोल, व्हिटॅमिन्स गोळ्यांसह सर्व प्रकारच्या गोळ्यांची खरेदी करण्यात येणार आहे. तसेच १०० प्रकारच्या इंजेक्शनचीही खरेदी करण्यात येणार आहे. कोविडसाठी लागणारी अनेक औषधे पालिका रुग्णालयात नियमित वापरली जातात. त्यामुळे त्यांची खरेदी केली जात आहे. तसेच राज्याच्या कोविड टास्क फोर्सने काही नव्या औषधांची शिफारस केली आहे. त्यांचीही खरेदी करण्यात येईल, असे अतिरिक्त आयुक्त सुरेश काकाणी यांनी सांगितले. --- खाटांचेही व्यवस्थापन औषध खरेदीबरोबरच खाटांचेही व्यवस्थापन करण्यास पालिकेने सुरुवात केली आहे. सध्या कोविडच्या रुग्णांसाठी ३० हजार खाटा उपलब्ध आहेत; तर विलगीकरणासाठी २२ हजार खाटा तात्काळ उपलब्ध होऊ शकतात. त्याचबरोबर महापालिकेने यापूर्वी विलगीकरणासाठी वापरलेल्या इमारतींची पाहणी सुरू केली आहे. खाटा तयार करण्याबरोबर त्यांच्या नियोजनासाठीही पूर्वीप्रमाणे कोविड वॉर रूममध्ये शिकाऊ डॉक्टरांची नियुक्ती करण्याचे निर्देश आयुक्त डॉ. इक्बाल सिंह चहल यांनी दिले आहेत.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top