किआ कॅरेन्स ट्रिम डिटेल्स झाले उघड - प्रमाण म्हणून ६ एयरबॅग, ६६ कनेक्टेड कार फिचर्स, ३ पॉवरट्रेन्स आणि ३ ट्रान्समीशन पर्याय

किआ कॅरेन्सची १४ जानेवारीपासून बुकिंग सुरू मुंबई, ता. ५ : किआ इंडियाने गेल्या वर्षी डिसेंबर अखेरीस बाजारात आणलेल्या सात आसनी कॅरेन्सचे फिचर्सही जाहीर केले आहेत. ही कार ग्राहकांना १४ जानेवारीपासून बुकिंग करता येणार असल्याची माहितीही किआ मोटर्सतर्फे देण्यात आली. या कारमध्ये प्रीमियम, प्रेस्टिज, प्रेस्टिज प्लस, लक्झरी आणि लक्झरी प्लस आदी व्हेरिएंट देण्यात आले आहेत. तसेच स्मार्टस्ट्रीम १.५ पेट्रोल, स्मार्टस्ट्रीम १.४ टी-जीडीआय पेट्रोल आणि १.५ सीआरडीआय व्हीजीटी डिझेल अशा इंजिन पर्यायांसह ६ एमटी, ७ डीसीटी आणि ६ एटी अशा तीन गीअर ट्रान्स्मिशनचे पर्यायही देण्यात आले आहेत. कॅरेन्समध्ये ६६ कनेक्टेड फिचर्स दिले आहेत. किआ मोटरने भारतामधील गतिशीलतेत क्रांती घडवून आणण्याचा नेहमीच प्रयत्न केला आहे. कॅरेन्स ही कार भारतीयांच्या कौटुंबिक अपेक्षांची पूर्तता करणारी कार ठरेल, असा विश्वास किआ इंडियाचे व्यवस्थापकीय संचालक आणि मुख्य कार्यकारी अधिकारी टी-जिन पार्क यांनी व्यक्त केला.