विकास गोपाळ यांना महाराष्ट्र भूषण पुरस्कार

विकास गोपाळ यांना महाराष्ट्रभूषण पुरस्कार पोलादपूर (बातमीदार) : महाराष्ट्राचे पॅडमॅन अशी ओळख असणारे उद्योजक विकास धनराज गोपाळ यांना रायगड जिल्हा संघर्ष पत्रकार असोसिएशन यांच्या वतीने महाराष्ट्रभूषण पुरस्कार देऊन सन्मानित करण्यात आले आहे. लाडवली, महाड येथे आदर्श माता पुरस्कार वितरण सोहळा संपन्न झाला. लॉकडाऊनदरम्यान महिलांना सॅनिटरी पॅड मिळणे कठीण झाले होते, अशा परिस्थितीमध्ये आवश्यक तेथे सॅनिटरी पॅड पोचवून महिलांची होणारी अडचण दूर करण्याचे शिवधनुष्य विकास यांनी पेलले. तसेच कोरोना काळात हजारो महिलांना रोजगाराची संधी उपलब्ध करून देत हाताला काम दिले. त्याची दखल घेण्यात आली आहे. या वेळी जिल्हा परिषद सदस्य मनोज काळीजकर, वेदिका बिल्डर्सचे संचालक राजेश मेहतर, साहित्यिक व माजी मुख्याध्यापक अ. वि. जंगम, रायगड जिल्हा संघर्ष पत्रकार असोसिएशनचे अध्यक्ष संतोष घरटकर, अंजली घरटकर, विलास खोपकर, उषा खोपकर आदी मान्यवर उपस्थित होते.