पालिकेची शुक्रवारी होणारी महासभा ऑनलाईन | Sakal
sakal

बोलून बातमी शोधा

पालिकेची शुक्रवारी होणारी महासभा ऑनलाईन
पालिकेची शुक्रवारी होणारी महासभा ऑनलाईन

पालिकेची शुक्रवारी होणारी महासभा ऑनलाईन

sakal_logo
By
पनवेल पालिकेची महासभा ऑनलाईन कोरोना संसर्ग वाढल्‍याने प्रशासनाचा निर्णय पनवेल, ता. ६ (प्रतिनिधी) ः राज्यातील पालिकांच्या महासभा, स्थायी समिती व इतर सर्व वैधानिक समित्यांच्या सर्व बंधनकारक बैठका व्हिडीओ कॉन्फरन्सद्वारे/ऑनलाईन पद्धतीनेच घ्याव्यात, असा आदेश शासनाच्या नगरविकास विभागाने काढला आहे. परिणामी पनवेल महापालिकेची शुक्रवारी (ता. ७) आद्य क्रांतिवीर वासुदेव बळवंत फडके नाट्यगृहात आयोजित करण्यात आलेली सर्वसाधारण महासभा ऑनलाईन पद्धतीने घेण्यात येणार आहे. कोरोनाच्या वाढत्या संसर्गाच्या पार्श्वभूमीवर हा निर्णय घेण्यात आला आहे. कोरोनाच्या पार्श्वभूमीवर गतवर्षी ऑनलाईन पद्धतीने सुरू असलेल्या राज्यातील नागरी स्थानिक संस्थांच्या सभा प्रत्यक्ष उपस्थितीने घेण्याबाबत २२ ऑक्टोबर रोजी नगरविकास विभागाने आदेश जारी केले होते. मात्र पनवेल पालिका क्षेत्रातील कोरोनाचा संसर्ग झपाट्याने वाढत आहे. त्याची गंभीर दखल घेत मोठ्या प्रमाणावरील एकत्रीकरण टाळण्याच्या दृष्टीने राज्यातील महापालिकांच्या सर्व बंधनकारक सभा, बैठका व्हिडीओ कॉन्फरन्सव्दारे/ऑनलाईन पध्दतीनेच घेण्यात याव्यात, असा आदेश नगरविकास विभागाच्या अवर सचिवांना काढला आहे. पनवेल महापालिकेच्या शुक्रवारी आयोजित महासभेत नगरसेवकांचा अभ्यास दौरा, शाळांच्या वर्गखोल्यांची बांधणी, पालिका हद्द हागनदारीमुक्त करण्यासाठी प्रयत्न तसेच उद्यानांची देखभाल या सारख्या विषयांवर चर्चा होऊन मंजुरी घेण्यात येणार आहे.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top