ठाणे जिल्ह्यात दीड लाखाहून अधिक मतदार | Sakal
sakal

बोलून बातमी शोधा

ठाणे जिल्ह्यात दीड लाखाहून अधिक मतदार
ठाणे जिल्ह्यात दीड लाखाहून अधिक मतदार

ठाणे जिल्ह्यात दीड लाखाहून अधिक मतदार

sakal_logo
By
ठाणे जिल्ह्यात दीड लाखांहून अधिक नवे मतदार जिल्ह्यातील मतदार संख्या ६४ लाख ६६ हजार ७९८ सकाळ वृत्तसेवा ठाणे, ता. ७ ः भारतीय निवडणूक आयोगाने १ जानेवारी २०२२ या अर्हता दिनांकावर आधारित छायाचित्रांसह ५ जानेवारी २०२२ रोजी अंतिम मतदार यादी प्रसिद्ध केली आहे. ठाणे जिल्ह्यामध्ये नव्याने नोंदणी झालेल्या मतदारांची संख्या १ लाख ७० हजार ६९९ एवढी आहे. जिल्ह्यात आता एकूण मतदारांची संख्या ६४ लाख ६६ हजार ७९८ झाली आहे, अशी माहिती जिल्हाधिकारी व जिल्हा निवडणूक अधिकारी राजेश नार्वेकर यांनी दिली. ठाणे जिल्ह्यामध्ये विशेष संक्षिप्त पुनरिक्षण कार्यक्रम १ जानेवारी २०२२ पूर्वी व विशेष संक्षिप्त कार्यक्रमानंतर जिल्ह्याचे लिंग गुणोत्तर प्रमाण ८४१ वरून ८४३ झाले आहे. ५ जानेवारी २०२२ रोजी जिल्ह्यात एकूण मतदार ६४ लाख ६६ हजार ७९८ असून त्यात महिला मतदारांची संख्या २९ लाख ५७ हजार १४, तर पुरुष मतदारांची संख्या ३५ लाख ९ हजार ४२ आहे. इतर मतदारांची संख्या ७४२ आहे, असे जिल्हाधिकारी नार्वेकर यांनी सांगितले. मतदार नोंदणी कार्यक्रमात १ लाख ७० हजार ६९९ एवढ्या मतदारांची वाढ झाली असून त्यामध्ये महिला ८१ हजार ६७६, तर पुरुष ८८ हजार ७८४ आहेत व इतर मतदारांची संख्या २३९ आहे. १ जानेवारी २०२१ रोजी ठाणे जिल्ह्यातील मतदार यादीमध्ये छायाचित्र नसलेले ८ लाख ३५ हजार ५०८ इतके मतदार होते. ...................................... जिल्हा एडस् प्रतिबंध आणि नियंत्रण कार्यक्रमाचे जिल्हा कार्यक्रम अधिकारी रतन गाढवे यांच्याशी सलग्न असलेल्या तृतीयपंथी व वंचित घटकातील महिलांसाठी काम करणाऱ्या संस्थांची बैठक घेण्यात आली. त्याद्वारे वंचित घटकांतील मतदार नोंदणी वाढविण्यासाठी प्रयत्न करण्यात आले. भिवंडी, उल्हासनगर व कल्याण येथे शिबिरे आयोजित करण्यात आली. ठाणे जिल्ह्यामध्ये मागील वर्षाच्या तुलनेत ७४२ तृतीयपंथी मतदारांची नोंदणी करण्यात आली आहे. अन्य जिल्ह्यांच्या तुलनेत ठाणे जिल्ह्यामध्ये सर्वात जास्त तृतीयपंथीय मतदारांची नोंदणी झाली आहे.
Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top