नाशिकमधून पळवलेली मुलगी घाटकोपरमध्ये सापडली

नाशिकमधून पळवलेली मुलगी घाटकोपरमध्ये सापडली घाटकोपर, ता. ८ (बातमीदार) ः नाशिक जिल्ह्यातील मालेगाव येथील किल्ला पोलिस ठाण्याच्या हद्दीतून पळवून मुंबईत आणलेली मुलगी अखेर घाटकोपरच्या जुन्या रमाबाई सहकारनगरात सापडली. पंतनगर पोलिसांनी तिच्यासह तिला पळवून आणणाऱ्यासही ताब्यात घेतले आहे. या मुलीला पळवून नेण्यात आल्याची तक्रार मुलीच्या आईने किल्ला पोलिस ठाण्यात केली होती. त्यामुळे तेथील पोलिसांनी या गुन्ह्यातील आरोपी आणि अपहृत झालेल्या मुलीचे लोकेशन मुंबईत तपासण्याची विनंती मुंबई पोलिसांना केली होती. त्यामुळे पंतनगर पोलिसांनी तांत्रिक तपासाच्या आधारे या मुलीचा शोध घेण्यास सुरुवात केली. त्यानंतर या मुलीचे आणि तिला पळवलेल्या व्यक्तीचे लोकेशन कामराजनगर परिसरातील जुने रमाबाई सहकारनगर असल्याचे आढळले. त्यानुसार त्यांना ताब्यात घेऊन नंतर पुढील कायदेशीर कारवाईसाठी किल्ला पोलिसांच्या ताब्यात देण्यात आले. ...