ठाणे जिल्ह्यावर ओमिक्रोनचे संकट गडद | Thane omicron update | Sakal
sakal

बोलून बातमी शोधा

Omicron Variant
ठाणे जिल्ह्यावर ओमिक्रोनचे संकट गडद

ठाणे जिल्ह्यावर ओमिक्रोनचे संकट गडद

sakal_logo
By

ठाणे : मागील एक ते दीड महिन्यापासून ओमिक्रॉनचे रुग्ण (omicron patients) आढळून येण्यास सुरुवात झाली. आतापर्यंत ठाणे (thane) जिल्ह्यात २६ हजार ६३२ नागरिक परदेशातून आले असून त्यापैकी ५४ नागरिकांचे ओमिक्रॉन अहवाल पॉझिटीव्ह (omicron report positive) आले आहेत. यामध्ये सर्वाधिक ३६ रुग्ण हे ठाणे महापलिका क्षेत्रातील आहेत. ठाणे जिल्ह्यावरील ओमिक्रॉनचे संकट गडद होत असल्याचे दिसून आले. (omicron patients increases in thane district)

मुंबई शहरानंतर ठाणे जिल्ह्यात देखील ओमिक्रॉनने आपले हात-पाय पसरण्यास सुरुवात केली आहे. राज्यातील ओमिक्रॉनचा पहिला रुग्ण डोंबिवलीत आढळून आला. यानंतर परदेशातून येणाऱ्या नागरिकांबाबत जिल्हा प्रशासनाने गंभीर दखल घेत, विदेश यात्रेवरून आलेल्या नागरिकांचा शोध घेण्यास सुरुवात केली होती. परदेशातून येणाऱ्या नागरिकांची संख्या दिवसेंदिवस वाढत असून ओमिक्रॉनचे रुग्ण देखील वाढत आहेत.

हेही वाचा: ...तर खासगी रुग्णालयाची मान्यता होणार रद्द

त्यानुसार मागील महिन्यापासून आतापर्यंत जिल्ह्यात परदेशातून २६,६३२ नागरिक आले आहेत. त्यापैकी १६ हजार २११ नागरिकांचा शोध घेण्यात आरोग्य विभागाला यश आले असून १२ हजार ८७५ जणांची कोरोना चाचणी करण्यात आली आहे. त्यापैकी १२५ जणांचे नमुने डब्ल्यूजीएस चाचणीसाठी पाठविण्यात आले होते. त्यातून ५४ जणांचे अहवाल हे ओमिक्रॉन पॉझिटीव्ह आले. दरम्यान, ओमिक्रॉनचे सर्वाधिक ३६ रुग्ण हे एकट्या ठाणे महापालिका क्षेत्रात आहेत. त्यामुळे ठाणे पालिका प्रशासनाच्या आरोग्य यंत्रणेवरील ताण अधिक वाढला असून पालिका प्रशासन देखील अधिक सतर्क झाले आहे. जिल्ह्यातील ओमिक्रॉनचे रुग्ण ठाणे शहर- ३६ नवी मुंबई - ८ कल्याण, डोंबिवली- ७ उल्हासनगर- ३

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :ThaneOmicron Variant
loading image
go to top