टीसीएस शेअरची पुनर्खरेदी ४५०० रुपयांमध्ये करणार | TCS announces its share buyback | Sakal
sakal

बोलून बातमी शोधा

TCS Office
टीसीएस शेअरची पुनर्खरेदी ४५०० रुपयांमध्ये करणार

TCS शेअरची पुनर्खरेदी ४५०० रुपयांमध्ये करणार

sakal_logo
By

टीसीएस शेअरची पुनर्खरेदी ४५०० रुपयांमध्ये करणार

नवी दिल्ली, ता. १२ (पीटीआय) : देशातील सर्वात मोठी आयटी कंपनी टाटा कन्सलटन्सी सर्व्हिसेसतर्फे भागधारकांकडून शेअरची पुनर्खरेदी (बायबॅक) करण्याची घोषणा झाली आहे. यासाठी टीसीएसतर्फे भागधारकांना प्रत्येक शेअरमागे साडेचार हजार रुपये दिले जाणार आहेत. (TCS announces its share buyback)

गुरुवारी मुंबई शेअर बाजारावर या शेअरचा भाव ३ हजार ८९७ रुपये होता. बुधवारी (ता. १२) झालेल्या संचालक मंडळाच्या बैठकीत हा निर्णय घेण्यात आला. शेअर बायबॅक योजनेमध्ये कंपनीतर्फे भागधारकांच्या विशिष्ट संख्येतील शेअरची खरेदी केली जाते. डिसेंबरअखेर संपलेल्या तिमाहीत कंपनीच्या निव्वळ नफ्यात १२.२ टक्के वाढ होऊन तो ९,७६९ कोटी रुपये झाल्याचे जाहीर करण्यात आले. याच बैठकीत बायबॅकची घोषणा करण्यात आली. या बायबॅकसाठी टीसीएसने अठरा हजार कोटी रुपयांची तरतूद केली आहे. (Share Market IT stocks update)

२०२० या वर्षीच्या याच तिमाहीत टीसीएसला ८,७०१ कोटी रुपये निव्वळ नफा झाला होता. २०२० या वर्षीच्या ऑक्टोबर ते डिसेंबर या तिमाहीत कंपनीला ४२ हजार १५ कोटी रुपये महसूल मिळाला होता. २०२१ च्या याच तिमाहीत त्यात १६.३ टक्के वाढ होऊन तो ४८ हजार ८८५ कोटी रुपये एवढा झाला, असे सीईओ राजेश गोपीनाथन म्हणाले. यावेळी कंपनीतर्फे प्रत्येक शेअरमागे सात रुपयांचा लाभांशही (डिव्हीडंड) जाहीर करण्यात आला. ज्या भागधारकांकडे २० जानेवारी या रेकॉर्ड डेटला टीसीएसचे शेअर असतील त्यांना सात फेब्रुवारी रोजी हा लाभांश मिळेल.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Share MarketTCS
loading image
go to top