रविवारी, तिन्ही रेल्वे मार्गावर मेगाब्लॉक

मुंबई : मध्य, हार्बर, पश्चिम रेल्वेवर रेल्वे रूळ, सिग्नल यंत्रणा, ओव्हरहेड वायर यांच्या देखभाल-दुरुस्तीसाठी (railway repairing work) रविवारी (ता. १६) मेगाब्लॉक (Mega block on sunday) घेण्यात येईल. हार्बर मार्गावरील प्रवाशांना ब्लॉक कालावधीत सकाळी १० वाजल्यापासून ते सायंकाळी ६ वाजेपर्यंत मध्य आणि पश्चिम रेल्वेवरून प्रवास करण्याची परवानगी देण्यात आली आहे. ब्लॉक कालावधीत पनवेल ते कुर्लादरम्यान फ्लॅट क्रमांक ८ वरून विशेष सेवा चालवण्यात येणार आहे. (Mega block on Sunday at central, harbour and western railway)

कुठे : माटुंगा ते मुलुंड अप आणि डाऊन जलद मार्गावर कधी : सकाळी ११.०५ ते दुपारी ४.०५ पर्यंत परिणाम : ब्लॉक कालावधीत माटुंगा ते मुलुंडदरम्यान जलद मार्गावरील लोकल धीम्या मार्गावर वळवण्यात येतील. कुठे : हार्बर मार्गावर सीएसएमटी ते चुनाभट्टी/ वांद्रे अप आणि डाऊन मार्गावर कधी : सकाळी ९.५३ ते सायंकाळी ५.१३ पर्यंत परिणाम : सीएसएमटी ते चुनाभट्टी/वांद्रे अप आणि डाऊन लोकल, सीएसएमटी ते वाशी/ बेलापूर/ पनवेल अप आणि डाऊन लोकल, सीएसएमटी ते वांद्रे/ गोरेगाव अप आणि डाऊन लोकल सेवा ब्लॉक कालावधीदरम्यान रद्द केल्या जातील.

कुठे : पश्चिम रेल्वेवरील सांताक्रूझ ते गोरेगाव अप आणि डाऊन जलद मार्गावर कधी : सकाळी १० ते दुपारी ३ वाजेपर्यंत परिणाम : पाच तासांच्या ब्लॉक कालावधीत सांताक्रूझ ते गोरेगाव जलद मार्गावरील सेवा धीम्या मार्गावर वळवण्यात येतील; तर काही लोकल रद्द केल्या जाणार आहेत.