विरारकरांच्या दाताची काळजी घेणारे प्रवीण डेन्टल क्लिनिक

प्रवीण डेन्टल क्लिनिक वर्धापन दिन उत्साहात विरार, ता. ३१ (बातमीदार) ः २६ जानेवारी १९८० साली विरारमध्ये डॉ. प्रवीण क्षीरसागर यांनी प्रवीण डेन्टल क्लिनिक सुरू केले होते. या क्लिनिकचा ४२ वा वर्धापनदिन मोठ्या उत्साहात पार पडला. अभिनेता गोविंदा क्लिनिकच्या वर्धापन दिनानिमित्त आयोजित कार्यक्रमाला उपस्थित होतो. गोविंदा म्हणाला, विरारकरांच्या दातांची गेल्या ४२ वर्षंपासून काळजी घेणाऱ्या प्रवीण डेन्टल क्लिनिकच्या वर्धापनदिनास उपस्थित राहून त्यांच्या आनंदात सहभागी होता आले. डॉ. प्रवीण क्षीरसागर यांच्याबरोबरच आता या क्लिनिकमध्ये त्यांची सून डॉ. प्रेमा ही काम करत आहे. आणि विरारकरांच्या दातांची उत्तम प्रकारे काळजी घेत आहे. गोविंदासोबत त्याचा भाऊ कीर्तिकुमार आणि वसई विरारचे माजी महापौर राजीव पाटील उपस्थित होते.