मुंबई : बेस्टची वाट पाहत असलेल्या 2 प्रवाशांचा वाहनाच्या धडकेत मृत्यू

भरधाव गाडीच्या धडकेत चुनाभट्टीत दोघांचा मृत्यू

चेंबूर, ता. ३१ (बातमीदार) : सायन-ठाणे महामार्गावरील एव्हरार्ड नगर बसथांब्याजवळ सोमवारी सकाळी बेस्टची वाट पाहत असलेल्या दोन प्रवाशांना भरधाव गाडीची धडक लागल्याने त्यांचा जागीच मृत्यू झाला.

सीसी टीव्हीच्या मदतीने तपास करून चुनाभट्टी पोलिसांनी फरारी चालकाला अटक केली आहे. चुनाभट्टी येथील एव्हरार्ड नगरजवळील बेस्ट बसच्या थांब्यावर सकाळी साडेआठ वाजता झालेल्या अपघातात सायनच्या दिशेने जाणाऱ्या गाडीने दोन प्रवाशांना धडक दिली. त्यात त्यांचा मृत्यू झाला. बाबासाहेब नाथा काळे (वय ५४) असे एका मृत प्रवासाचे नाव आहे. दुसऱ्या मृतदेहाची ओळख पटलेली नाही.