बोरिवलीतील ऑस्कर क्लबवर पोलिसांचा छापा

बोरिवलीतील ऑस्कर क्लबवर पोलिसांचा छापा सकाळ वृत्तसेवा मुंबई, ता. ३१ ः बोरिवलीतील ऑस्कर क्लबवर पोलिसांनी छापा मारून बेकायदा चालवण्यात येणाऱ्या हुक्का पार्लरला टाळे ठोकले. कोरोनाचे नियम मोडून गर्दी केल्याने क्लब व्यवस्थापक, रोखपाल आणि तीन वेटर यांच्यासह २३ ग्राहकांवर गुन्हा दाखल करण्यात आला आहे. बोरिवली ठाण्याचे सहाय्यक निरीक्षक म्हस्के यांना याबाबत माहिती मिळाली होती. त्यानुसार एमएचबी पोलिस ठाण्याच्या मदतीने एक पथक तयार करण्यात आले. त्यानंतर क्लबवर छापा टाकण्यात आला. या वेळी क्लबमध्ये कोरोनाचे कोणतेही नियम पाळले जात नसल्याचे पोलिसांच्या लक्षात आले. हुक्का पिणाऱ्यांसाठी वेगळी जागा नसल्याचेही पोलिसांना दिसले. तसेच कोरोना नियमाप्रमाणे क्लबमध्ये जास्त गर्दी असल्याने पोलिसांनी हुक्का पार्लर बंद केला. क्लबच्या व्यवस्थापकाकडे ‘स्मोकिंग झोन’चा कुठलाही परवाना नव्हता, असे चौकशीतून समोर आले. ...