भिवंडीत जिलेटीनसह डीटोनेटर स्फोटक विक्री करीता आलेल्या त्रिकुट गजाआड.

स्फोटके विक्रीसाठी आलेले त्रिकुट गजाआड भिवंडी, ता. १ (बातमीदार) ः भिवंडी शहरातील नदीनाका येथे गुन्हे शाखेचे वरिष्ठ पोलिस निरीक्षक सचिन गायकवाड यांच्या पथकाने मारुती कारमधून प्रतिबंधित स्फोटकांची वाहतूक करणाऱ्या तिघांना अटक केली. या वेळी जिलेटिन आणि डिटोनेटर जप्त केले. भिवंडी गुन्हे शाखेचे वरिष्ठ निरीक्षक सचिन गायकवाड यांना याबाबत माहिती मिळाली. विशेष पोलिस पथकाने भिवंडी-वाडा महामार्गावरील नदीनाका भागात सापळा लावला. त्यात कारला अडवून अल्पेश ऊर्फ बाल्या हिराजी पाटील, पंकज अच्छेलाल चौहान, समीर ऊर्फ सम्या रामचंद्र वेडगा यांना ताब्यात घेतले. या वेळी कारमधील पाच खोक्यांमध्ये १००० नग जिलेटिन कांड्या, १००० नग डिटोनेटर हस्तगत करण्यात आले. या वेळी चार लाख ४५ हजार रुपयांचा मुद्देमाल जप्त केला.