पनवेलमध्ये घनकचऱ्याची बाह्य यंत्रणेद्वारे विल्हेवाट

पनेवल, ता.२६ (प्रतिनिधी) : महानगरपालिका क्षेत्रातील निर्माण होणाऱ्या घनकचऱ्याची बाह्य यंत्रणेद्वारे सशुल्क कचरा उचलून विल्हेवाट लावण्याचा निर्णय शुक्रवारी ( ता.२५) स्थायी समितीच्या बैठकीत मंजूर करण्यात आला. या अगोदर दोनदा हा विषय स्थगित ठेवण्यात आला होता. महापालिकेच्या मुख्यालयाचे बांधकाम करण्यासही मंजुरी देण्यात आली. पालिकेची स्थायी समितीची ऑनलाईन सभा नरेश ठाकूर यांच्या अध्यक्षतेखाली घेण्यात आली. पालिका क्षेत्रात सार्वजनिक शौचालय, स्वच्छतागृहांची अत्याधुनिक तंत्राचा वापर करून निर्जंतुकीकरण करण्याच्या विषयास स्थायी समितीने मंजुरी दिली.