नियंत्रण सुटून कंटेनर उलटला

घाटकोपर, ता. ८ (बातमीदार) ः विक्रोळी येथे पूर्व द्रुतगती मार्गावर चालकाचे नियंत्रण सुटून कंटेनर उलटल्याची घटना सोमवारी (ता. ७) रात्री घडली. हा कंटेनर भिवंडीहून मुंबईकडे जात होता. भरधाव वेगात असताना, चालकाचे नियंत्रण सुटले आणि ट्रक दुभाजकाला धडक देऊन उलटला. या घटनेत चालकाला कोणतीही जखम झाली नाही; तर क्लिनर रिजवान इनामदार याला किरकोळ दुखापत झाल्याने त्याला विक्रोळी टागोरनगरमधील फुले रुग्णालयात उपचारासाठी नेण्यात आले. ट्रक रस्त्याच्या मधोमध उलटल्याने महामार्गावर वाहतूक कोंडी झाली होती. घटनास्थळी विक्रोळी पोलिस व वाहतूक विभागाने धाव घेत कंटेनर बाजूला घेत वाहतूक पूर्ववत केली.