वीज बचतीबाबत जागरूकता निर्माण करा | Sakal
sakal

बोलून बातमी शोधा

वीज बचतीबाबत जागरूकता निर्माण करा
वीज बचतीबाबत जागरूकता निर्माण करा

वीज बचतीबाबत जागरूकता निर्माण करा

sakal_logo
By

सकाळ वृत्तसेवा
मुंबई, ता. २१ : वीज तुटवड्याची स्थिती देशभर आहे. ही परिस्थिती समजून घेऊन सर्वांनीच वीज बचत करायला हवी. विजेची उधळपट्टी होऊ नये यासाठी काळजी घ्यायला हवी. याबाबत सर्वांना सतर्क करा. वीज बचतीबाबत ग्रामपंचायत, नगरपालिका ते महापालिका स्तरांपर्यंत जागरूकता निर्माण होण्यासाठी विशेष मोहीम राबविण्यात यावी, असे निर्देश मुख्यमंत्री उद्धव ठाकरे यांनी गुरुवारी (ता.२१) येथे दिले. याशिवाय महानिर्मितीने राज्यासाठी आवश्‍यक वीज उपलब्ध व्हावी यासाठी खासगी वीज कंपन्या, तसेच अन्य पर्यायी मार्गांबाबतचे काटेकोर नियोजन करावे असे निर्देशही मुख्यमंत्र्यांनी दिले. खासगी वीज कंपन्यांनी अतिरिक्त वीज निर्मिती करावी. त्यासाठीच्या लागणाऱ्या परवानग्यांसाठी केंद्राकडे पाठपुरावा करण्यात येईल, असेही मुख्यमंत्र्यांनी सांगितले.


वर्षा येथील समिती सभागृहात मुख्यमंत्री ठाकरे यांच्या अध्यक्षतेखाली वीजनिर्मितीच्या नियोजनाबाबत आज ऊर्जा विभागाची बैठक झाली. बैठकीस ऊर्जामंत्री डॉ. नितीन राऊत, खासदार अनिल देसाई, खासदार विनायक राऊत, मुख्य सचिव मनुकुमार श्रीवास्तव, मुख्यमंत्री कार्यालयाचे प्रधान सल्लागार सीताराम कुंटे, महारेराचे अध्यक्ष अजोय मेहता, मुख्यमंत्र्यांचे अपर मुख्य सचिव आशिषकुमार सिंह, प्रधान सचिव विकास खारगे, वित्त विभागाचे प्रधान सचिव ओ. पी. गुप्ता, महानिर्मितीचे अध्यक्ष व व्यवस्थापकीय संचालक संजय खंदारे, महावितरणचे अध्यक्ष व व्यवस्थापकीय संचालक विजय सिंघल यांच्यासह ऊर्जा विभागाचे वरिष्ठ अधिकारी आदी उपस्थित होते.

मुख्यमंत्री ठाकरे म्हणाले, राज्याची विजेची निकड पूर्ण व्हावी यासाठी सर्व त्या पर्यायांची पडताळणी करण्यात यावी. वीज गळतीच्या बाबतीत बेजबाबदारपणा चालणार नाही. त्याकडे दुर्लक्ष करू नका. विजेचे संकट हे केवळ आपल्या राज्यातच नाही तर ते देशातील अन्य राज्यांतही आहे. त्यामुळे अन्य राज्ये करत असलेल्या उपाययोजना, वीज देवाण-घेवाण याबाबत माहिती घेण्यात यावी, असे ठाकरे म्हणाले.
------------------------
खासगी वीज कंपन्यांना नोटीस
महावितरणला काही खासगी वीज कंपन्या करारानुसार वीज पुरवठा करत नसल्याने त्यांना करार भंगाबाबत नोटीस देण्यात येत असल्याची माहिती ऊर्जामंत्री डॉ. नितीन राऊत यांनी या बैठकीत दिली. तसेच कोळसा उपलब्धता, विविध वीज प्रकल्पांच्या सद्यस्थितीबाबत माहिती देण्यात आली.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top