आरती कांबळे यांना पुरस्कार

घाटकोपर, ता. २४ (बातमीदार) ः विविध क्षेत्रांत सक्रिय असलेल्या उद्योजिका आरती अतिन कांबळे यांना आरती एंटरप्रायझेस कंपनीसाठी डॉ. आंबेडकर बिझनेस एक्सलन्स पुरस्कार देण्यात आला. अनुसूचित जातीच्या उद्योजकांसाठी लघुउद्योग श्रेणीतील सर्वोत्कृष्ट उपक्रमासाठी हा पुरस्कार त्यांना प्रदान करण्यात आला. हा पुरस्कार सामाजिक न्याय आणि सक्षमीकरण मंत्रालयाच्या संयुक्त विद्यमाने आयएफसीआय व्हेंचरने देशातील अनुसूचित जातीतील उद्योजकांसाठी राष्ट्रीय स्तरावर घेतलेल्या स्पर्धेचा भाग होता. केंद्रीय सामाजिक न्याय आणि सक्षमीकरण मंत्री डॉ. वीरेंद्र कुमार यांच्या हस्ते हा पुरस्कार त्यांना प्रदान करण्यात आला.