पालघर जिल्ह्याला उष्णतेचे चटके | Sakal
sakal

बोलून बातमी शोधा

पालघर जिल्ह्यातील नागरिकांना उष्णतेचे चटके प्रचंड प्रमाणात सहन करावे लागत आहेत
पालघर जिल्ह्याला उष्णतेचे चटके

पालघर जिल्ह्याला उष्णतेचे चटके

वसई : पालघर जिल्ह्यातील नागरिकांना उष्णतेचे चटके प्रचंड प्रमाणात सहन करावे लागत आहेत. त्यामुळे चक्कर येणे, डोकेदुखीचा त्रास होणे, शरीरातील पाण्याचे प्रमाण कमी होणे अशा प्रकारच्या समस्या उद्भवत आहेत. त्यातच मधुमेही, रक्तदाब असणाऱ्या रुग्णांना अधिक त्रास होत आहे. तसेच नागरिकांची भूकदेखील मंदावू लागली आहे. म्हणून अनेक नागरिक प्रवास करणे टाळत आहेत, तर काही जण समुद्रकिनाऱ्याला विसावा घेणे पसंद करत आहेत.

पालघर जिल्हा हिरवागार असला तरी उष्णतेचा परिणाम दोन दिवसांपासून अधिक प्रमाणात जाणवत आहे. जिल्ह्यातील डहाणू, बोईसर, मनोर, तलासरी, जव्हार, विक्रमगड, मोखाडा, वसई-विरार, सफाळे, केळवे, बोर्डी, पालघर आदी भागात शुक्रवारी व शनिवारी ४१ अंश तापमानाची नोंद झाली. प्रचंड तापमानामुळे नागरिकांच्या अंगाची लाहीलाही होत आहे; तर जनावरांवरदेखील याचा परिणाम होत आहे. त्यामुळे त्यांना सावली मिळावी म्हणून छावणी बांधून आधार दिला जात आहे. अति उष्णतेमुळे त्वचेचे आजार उद्भवत असल्याचे नागरिकांचे म्हणणे आहे. साखरेचे प्रमाण वाढणे, रक्तदाब कमी जास्त होणे, असे प्रकार वाढू लागल्याने नागरिकांना इस्पितळाची पायरी चढावी लागत आहे.

वसई ते मनोर महामार्गावर प्रवास करताना उष्णतेच्या झळा प्रचंड लागत आहेत. त्यातच रात्रीच्या वेळी प्रचंड उकाडा जाणवू लागला आहे. लहान मुले, ज्येष्ठ नागरिकांना झोप लागत नाही. दूरचा प्रवास केल्यावर चक्कर येते म्हणून दुपारच्या वेळेस प्रवास करणे शक्यतो टाळत आहोत.
- दिनेश कडुलकर, वसई

उष्णता अधिक असल्याने नागरिकांनी शरीरातील पाण्याच्या प्रमाणाचा समतोल साधावा. कोणतेही आजार उद्भवत असतील तर त्वरित त्यावर नजीकच्या रुग्णालयात जाऊन त्यावर उपचार घ्यावेत. मधुमेही, रक्तदाब असणाऱ्या नागरिकांनी काळजी घ्यावी.
- डॉ. राजेश चौहाण

एसी, कुलरची मागणी वाढली
घरात पंखे जरी असले तरी प्रचंड तापमानामुळे गार वारा मिळत नाही. त्यामुळे गरमीपासून बचाव करण्यासाठी एसी, कुलर खरेदीसाठी पालघर जिल्ह्यातील दुकानात गर्दी वाढू लागल्याचे चित्र पाहावयास मिळत आहे.

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top