आईवडिलांच्या पायाचे तीर्थ लतादीदींनी प्यायले होते! | Sakal
sakal

बोलून बातमी शोधा

आईवडिलांच्या पायाचे 
तीर्थ लतादीदींनी प्यायले होते!
आईवडिलांच्या पायाचे तीर्थ लतादीदींनी प्यायले होते!

आईवडिलांच्या पायाचे तीर्थ लतादीदींनी प्यायले होते!

sakal_logo
By

मुंबई, ता. २४ ः कट्टर मातृ-पितृभक्त असलेल्या लतादीदीने आणि तिच्या सांगण्यावरून मीदेखील आई-वडिलांच्या पायाचे तीर्थ प्यायले होते. ती प्रत्येक गाण्यापूर्वी बाबा मला सांभाळून घ्या, असे म्हणायची, अशी भावुक आठवण ज्येष्ठ गायिका आशा भोसले यांनी सांगताच सभागृह गहिवरून गेले.
पं. दीनानाथ मंगेशकर यांच्या स्मृतिप्रीत्यर्थ दिला जाणारा पुरस्कार, तसेच प्रथमच दिला जाणारा लता दीनानाथ मंगेशकर पुरस्कारांचे वितरण सोहळ्यात त्या बोलत होत्या. संगीत क्षेत्रातील मास्टर दीनानाथ मंगेशकर पुरस्कार गायक राहुल देशपांडे यांना, चित्रपट सेवेसाठीचे विशेष मास्टर दीनानाथ मंगेशकर पुरस्कार ज्येष्ठ अभिनेत्री आशा पारेख आणि अभिनेता जॅकी श्रॉफ यांना, तर मास्टर दीनानाथ मंगेशकर आनंदमयी हा सेवा पुरस्कार मुंबईच्या डबेवाल्यांना देण्यात आला. आजच्या कार्यक्रमाला पंडित हृदयनाथ मंगेशकर यांची प्रकृती ठीक नसल्याने ते उपस्थित राहू शकले नाहीत. त्यामुळे कार्यक्रमाचे सूत्रसंचालन आदिनाथ मंगेशकर आणि हरीश भिमानी यांनी केले.
उषा मंगेशकर यांच्याप्रमाणेच आशा भोसले यांनी लतादीदींच्या आठवणी तर सांगितल्याच, पण दीदींनी सर्वच पार्श्वगायिकांच्या हक्कांसाठी कसा संघर्ष केला, तेही सांगितले. गाण्याच्या रेकॉर्डवर पार्श्वगायकांचे नाव आले पाहिजे, श्रेयनामावलीतही पार्श्वगायकांचे नाव आले पाहिजे, त्यांना स्वामित्वधन (रॉयल्टी) मिळाली पाहिजे, या आग्रहासाठी तिने गाणे बंद करण्याची धमकीही दिली होती. जिथे पूर्वी भारतीयांना गाण्याची संधी मिळाली नव्हती. त्या लंडनच्या रॉयल अल्बर्ट हॉलमध्ये तसेच न्यूयॉर्कच्या कार्लिकी हॉलमध्येही गाणे गाऊन तिथे सर्व गायकांसाठी त्यांची दारे उघडली, अशीही आठवण आशा भोसले यांनी सांगितली.
----
आएगा आनेवाला
लता मंगेशकर यांना ज्या गाण्याने पहिले यश मिळाले, त्या ‘आएगा आनेवाला’ या गाण्याची आठवण सांगताना आशा भोसले यांनी ते स्वर गाऊनही दाखवले आणि सारे रसिक त्या आठवणीत बुडून गेले.
---
‘वेस्टर्न’वर वाहतूककोंडी
पंतप्रधान सांताक्रूझ विमानतळावरून दहा ते पंधरा मिनिटांत सभागृहात येतील आणि तसेच परत जातील, असे नियोजन होते. त्यामुळे त्या मार्गावरील वाहतूक थांबवण्यात आल्याने पश्चिम द्रुतगती महामार्गावर मोठी वाहतूककोंडी झाली होती. त्यामुळे अनेक प्रवाशांचे हाल झाले.
---

Web Title: Todays Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top