क्षयरोगमुक्त अभियान योजनेंतर्गत तपासणी शिबिर
भिवंडी : टीबी मुक्त अभियान योजने अंतर्गत भिवंडी महापालिकेच्या कामतघर नागरी आरोग्य केंद्र व सेवाभावी संस्था इंडियन वूमन एण्ड चिल्ड्रन फाउन्डेशन यांच्या संयुक्त विद्यमाने मंगल भवन येथे शुक्रवारी ११ जुलै रोजी क्षयरोग जोखीमग्रस्त लोकसंख्येची तपासणी करण्यात आली.
मागील पाच वर्षात टीबी झालेली व्यक्ती,टीबी रुग्णांच्या संपर्कात असणारे व्यक्ती, ६० वर्ष वरील व्यक्ती, बॉडी मास इंडेक्स (BMI) १८ किलोग्रम,मीटर स्क्वेअर पेक्षा कमी असलेली व्यक्ती, सिगारेट विडी ओढणाऱ्या व्यक्ती,मधुमेह असणारे व्यक्ती यांच्या तपासणी करिता आरोग्य शिबीर महापालिका आयुक्त तथा प्रशासक यांच्या आणि मुख्य वैद्यकीय अधिकारी डॉ.संदीप गाडेकर यांच्या मार्गदर्शना खाली संपन्न झाले.दरम्यान यावेळी कामतघर नागरी आरोग्य केंद्रातील कर्मचारी वर्गासह परिचारिका आणि आशा सेविकांनी रुग्णांची तपासणी करून रुग्णांना औषधे वाटप केली.
तसेच भिवंडी मनपाचे शहर क्षयरोग प्रमुख अधिकारी डॉ.बुशरा सय्यद यांनी क्षयरोग बद्दल माहिती दिली.यावेळी इंडियनं वूमन एण्ड चिल्ड्रन फाउन्डेशनचे संस्थापक प्रभाकर जाधव, आपला दवाखानाचे डॉ. रवीना आरेकर, भिवंडी क्षयरोग विभागाचे जिल्हा समन्वयक अनिल गुप्ता, एसटीएलएस मोबीन शेख, कामतघर ना.आरोग्य केंद्र येथील मुख्य परिचारिका मिताली देसले यांच्यासह कल्पना जाधव, आशा सेविका, समाजसेवक तसेच क्षयरोग विभाग व कामतघर ना.आरोग्य केंद्र येथील कर्मचारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.