अलिबाग नवगाव कोळीवाडा येथे आरोग्य शिबिराचे आयोजन

अलिबाग नवगाव कोळीवाडा येथे आरोग्य शिबिराचे आयोजन
अलिबाग, ता. ११ : सानेगुरुजी रुग्णसहाय्य ट्रस्टतर्फे रविवारी (ता. १४) तालुक्यातील नवगाव कोळीवाडा येथे मोफत आरोग्य शिबिर आयोजित केले आहे. या शिबिरात रुग्णांना विविध आजारांची तपासणी व औषधोपचार सेवा उपलब्ध करून देणार आहे. ट्रस्टचे अध्यक्ष महेंद्र ठाकूर यांनी शिबिरात रुग्णांची विनामूल्य तपासणी, आवश्यकतेनुसार औषधांचे वितरण आणि हाडांच्या तपासण्या केल्या जाणार आहेत, अशी माहिती दिली आहे. गरजू व ज्येष्ठ नागरिकांसाठी विशेष उपक्रमांतर्गत नी कॅपचे वितरण करण्यात येणार असून, त्यामुळे सांधेदुखी व गुडघेदुखीच्या समस्यांनी त्रस्त असलेल्या रुग्णांना याचा मोठा फायदा होणार आहे. स्थानिक नागरिकांनी या शिबिराचा मोठ्या प्रमाणावर लाभ घ्यावा, असे आवाहन आयोजकांनी केले आहे.