सरकार झोपेत असेल तर

दिवाळीपूर्वी शेतकऱ्यांना मदत द्या : रोहित पवार

जळकोट (जि. लातूर), ता. २ : अतिवृष्टी आणि पूरस्थितीने हताश झालेल्या शेतकऱ्यांच्या मदतीबाबत सरकार झोपेत असेल, तर मग आम्ही गप्प बसणार नाही. शेतकऱ्यांना न्याय मिळवूनच देणार, असे आमदार रोहित पवार यांनी नमूद केले. दिवाळीपूर्वी शासनाने शेतकऱ्यांना मदत द्यावी, अशी मागणीही त्यांनी केली. आमदार पवार यांनी गुरुवारी बेळसांगवी, तिरुका पूरग्रस्त भागाचा दौरा केला. त्यांनी पुराने बाधित झालेल्या गावांची माहिती घेतली. शेतकऱ्यांना हेक्टरी ५० हजार रुपयांची मदत मिळावी. तिरू नदीकाठच्या सर्वच जमिनी खरवडून गेल्या आहेत. अनेक रस्ते पाण्यात वाहून गेले आहेत. शेतकऱ्यांना मदत न केल्यास सरकारची दिवाळी गोड होऊ देणार नाही, असा इशाराही त्यांनी दिला.
---------------