इमारतीच्या टेरेसवरून पडून तरुणीचा मृत्यू

इमारतीच्या टेरेसवरून पडून तरुणीचा मृत्यू
महाड, ता. २७ (बातमीदार) : शहरातील काकर तळे भागातील चार मजली इमारतीच्या टेरेसवरून पडल्याने रिया किशोर चौधरी (वय २०) हिचा मृत्यू झाला आहे. गुरुवारी (ता. २६) सायंकाळी ५ वाजता ही घटना घडली. काकर तळे येथील समर्थ रामदास गृहनिर्माण सोसायटी या इमारतीत रिया राहात होती. गुरुवारी सायंकाळी ती इमारतीच्या टेरेसवरून खाली पडली आणि गंभीर जखमी झाली. तिला तातडीने ग्रामीण रुग्णालयात नेण्यात आले, पण डॉक्टरांनी तिला मृत घोषित केले. या घटनेची नोंद पोलिसांनी घेतली असून, पुढील तपास सुरू आहे.