अत्याचार प्रकरणात एकावर गुन्हा

महाड (बातमीदार) : समाजमाधमावर झालेल्या ओळखीचा गैरफायदा घेत एका विवाहितेवर शारीरिक अत्याचार केल्याप्रकरणी महाड शहर पोलिस ठाण्यात गुन्हा दाखल करण्यात आला आहे.
महाड तालुक्यातील चांभारखिंड येथील मकरंद चव्हाण (वय ३८, मूळ तेलंगे, तालुका महाड, सध्या राहणार विक्रोळी) आरोपीचे नाव आहे. मकरंद चव्हाण याची पीडित महिलेशी फेसबुकच्या माध्यमातून ओळख झाली होती. त्या ओळखीचा गैरफायदा घेत मकरंदने मोबाईलवर चित्रीकरण केले होते. जवळपास अडीच वर्षे हा प्रकार सुरू होता. अखेर अत्याचाराला कंटाळून महाड शहर पोलिस ठाण्यात आरोपीविरोधात तक्रार दाखल केली होती.