आठ जणांवर मारहाणप्रकरणी गुन्हा

आठ जणांवर मारहाणप्रकरणी गुन्हा
महाड, ता.२ (बातमीदार): मनसे शहर अध्यक्ष मारहाण प्रकरणात दोन महिला शिवसैनिकांसह आठ जणांवर गुन्हा दाखल करण्यात आला आहे.
मनसे नेते राज ठाकरे यांनी उपमुख्यमंत्री एकनाथ शिंदे यांच्यावर केलेल्या टीकेला प्रत्युत्तर देताना मंत्री भरत गोगावले यांनी राज ठाकरेंवर टीका केली होती. या टिकेला मनसेचे शहरअध्यक्ष पंकज उमासरे याने सोशल मीडियांमधून प्रतिउत्तर दिले होते. त्याचा राग मनात धरून शिंदे गटाच्या कार्यकर्त्यांनी पंकज उमासरे मारहाण केली होती. या प्रकरणात करणाऱ्या दोन महिला शिवसैनिकांसह आठ जणांवर गुन्हा दाखल आहे. महाड उपजिल्हा रुग्णालयात उपचार सुरु असल्याने उमासरे यांनी या प्रकरणी तक्रार दाखल केली नव्हती. अखेर २ नोव्हेंबरच्या पहाटे साडेचारच्या सुमारास पोलिसांनी तक्रार नोंदवून घेतली. त्यानुसार प्रशांत शेलार, धनंजय मालुसरे, रोहन धेंडवाल, सौजन्य कानेकर, भावड्या सुर्वे, नीरज खेडेकर, सपना मालुसरे आणि सुनंदा पवार यांच्याविरोधाक गुन्हा दाखल करण्यात आला आहे. अटक केलेल्यांमध्ये महाड पंचायत समितीच्या माजी सभापती सपना मालुसरे यांचा समावेश आहे.