मनसे शहराध्यक्ष महाराण प्रकरणी दोघांना अटक, सहा जणांना नोटीस

मनसे शहराध्यक्ष मारहाण प्रकरणी दोघांना अटक
महाड, ता. ८ (बातमीदार) : मनसेचे महाड शहराध्यक्ष पंकज उमासरे यांना मारहाण केल्याप्रकरणी गुन्हा दाखल असलेल्या आठ शिवसैनिकांपैकी दोघांना अटक करण्यात आली असून, सहा जणांना नोटीस बजावण्यात आल्याची माहिती महाड पोलिसांनी शनिवारी (ता. ८) दिली.
मंत्री भरत गोगावले यांच्याबद्दल समाजमाध्यमांवर व्हिडिओ व्हायरल केल्याने शिवसैनिकांनी पंकज उमासरे यांना मारहाण केली होती. मनसे नेते अविनाश जाधव यांनी ''महाड बंद''चा इशारा दिल्यानंतर, पोलिसांनी रोहन धेंडवाल आणि प्रशांत शेलार या दोघांना ७ नोव्हेंबर रोजी अटक केली. अटक झालेल्या दोघांना न्यायालयातून जामीन मंजूर झाला आहे. उर्वरित धनंजय मालुसरे, सौजन्य काणेकर, सागर सुर्वे, निरंजन खेडेकर, सपना मालुसरे व सुनंदा पवार यांना नोटीस बजावण्यात आल्या आहेत.