वादग्रस्त अधिकाऱ्यावर अपर परिवहन आयुक्त पदाचा भार ?

भरत कळसकरांकडे आयुक्तपदाचा भार
भाराला परिवहन विभागातील अधिकाऱ्यांचा विरोध
सकाळ वृत्तसेवा
मुंबई, ता ३ : उच्च न्यायालयात खटला, एसीबी चौकशी आणि गुन्हा दाखल असल्यास पदोन्नती किंवा अतिरिक्त कार्यभार देता येत नाही. मात्र, ताडदेवचे आरटीओ आणि रस्ता सुरक्षा उपायुक्त भरत कळसकर यांच्याकडे गुरुवार (ता. २) अपर परिवहन आयुक्तपदाचा अतिरिक्त कार्यभार सोपवला आहे. मात्र, वादग्रस्त अधिकाऱ्यावर अपर परिवहन आयुक्तपदाचा भार देण्यात आला, असा आरोप मोटार वाहन निरीक्षक गजेंद्र पाटील यांनी केला आहे.
याबाबतचे पत्र त्यांनी मुख्यमंत्र्यांना पाठवले आहे. पाटील यांनी पत्रात कळसकर यांच्यावर सोपविण्यात आलेल्या अतिरिक्त अपर परिवहन आयुक्तपदाच्या कार्यभाराबाबत संताप व्यक्त केला आहे.

कोट
मंत्र्यांसह वरिष्ठ अधिकाऱ्यांवर तीन वर्षांपूर्वी आरोप करण्यात आले होते. त्याची आयुक्त स्तरावरच्या अधिकाऱ्याने चौकशी करण्यात आली आहे, पण त्यातून काहीही निष्पन्न झाले नाही. हे आरोप खोडसाळपणाचे आहेत.
-भरत कळसकर, अपर परिवहन आयुक्त, (अतिरिक्त कार्यभार )

कोट
आमच्या रेकॉर्डवर कोणतीही चौकशी प्रलंबित नाही. अतिरिक्त कार्यभार सोपवण्याचा निर्णय नियमित शासकीय कामकाजाप्रमाणे घेतला आहे.
-विवेक भिमनवार, परिवहन आयुक्त