उद्धव ठाकरे यांच्या हस्ते शिवसेनेचा रॉबिनहूड नितीन नांदगावकर पुस्तकाचे प्रकाशन

शिवसेनेचा रॉबिनहूड नितीन नांदगावकर पुस्तकाचे प्रकाशन
सकाळ वृत्तसेवा
मुंबई, ता. ३ - शिवसेनेचे पक्षप्रमुख उद्धव ठाकरे यांच्या हस्ते गुरुवार (ता. ३) शिवसेना उपनेते नितीन नांदगावकर यांच्या राजकीय कारकिर्दीवरील ''शिवसेनेचा रॉबिनहूड नितीन नांदगावकर'' या पुस्तकाचे प्रकाशन करण्यात आले.
या वेळी शिवसेना नेते सुनील प्रभू , शिवसेना आमदार अजय चौधरी, रमेश कोरगावकर, शिवसेना उपनेते भाऊ कोरगावकर, शिवसेना उपनेत्या किशोरी पेडणेकर, सुषमा अंधारे, अस्मिता गायकवाड आदी उपस्थित होते. या पुस्तकातील नितीनची कथा मी वाचली आहे आणि ती प्रेरणादायी आहे. शिवसैनिकांकडून अशीच जनसेवा अपेक्षित असते, असे उद्धव ठाकरे म्हणाले. या पुस्तकाचे शब्दांकन ज्येष्ठ पत्रकार विजय सामंत यांनी केले आहे. पुस्तकासाठी छायाचित्र वरिष्ठ छायाचित्रकार सचिन वैद्य आणि शैलेश आचरेकर यांनी काढली असून पुस्तकाचे संपादन ॲड हर्षल प्रधान यांनी केले आहे.