फोनद्वारे प्रचाराचा फंडा

फोनद्वारे प्रचाराचा फंडा
-उमेदवारांचा फोन कॉलद्वारे प्रचार
-सर्वच राजकीय पक्षांची शक्कल
सकाळ वृत्तसेवा
मुंबई, ता. ३१ : विधानसभा निवडणुकीची रणधुमाळी सुरू असून प्रचारासाठी राजकीय पक्ष आणि उमेदवार वेगवेगळे फंडे वापरत आहेत. गेल्या काही दिवसांपासून फोन कॉलच्या माध्यमातून उमेदवार लोकांशी थेट संवाद साधत आहेत. यामध्ये अगदी उमेदवारी अर्ज दाखल करण्यापासून ते प्रचारापर्यंतची माहिती दिली जात आहे.
नागरिकांच्या मोबाईलवर अननोन नंबरवरून फोन येत आहेत. हे फोन राजकीय पक्षांतील मोठ्या नेत्यांचे आणि उमेदवारांचे येत आहेत. कॉल उचलल्यावर हे नेते व उमेदवार संवाद साधतात. काही उमेदवार आपण अमुक पक्षातून उमेदवारी अर्ज दाखल केला असून आपल्याला भरघोस मतांनी विजयी करावे, असे आवाहन करीत आहेत.
.....................
मतदारांचे मनोरंजन
मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांचा प्रचार फोनकॉलद्वारे सुरू आहे, तर महायुती व महाविकास आघाडीच्या अनेक उमेदवारांचे फोनकॉलद्वारे प्रचार सुरू आहेत. मतदार हे फोन कॉल घेऊन आपले मनोरंजन करून घेत आहेत.