समलैंगिक संबंधादरम्यान मृत्यू

समलिंगी संबंधादरम्यान मृत्यू
घटनेनंतर पसार झालेल्या तरुणावर गुन्हा
मुंबई, ता. १८ ः समलिंगी संबंधादरम्यान बेशुद्ध पडलेल्या पार्टनरला वैद्यकीय मदत न पुरविता पसार झालेल्या तरुणाविरोधात लोकमान्य टिळक मार्ग पोलिसांनी निष्काळजीमुळे मृत्यूस कारणीभूत ठरल्याचा गुन्हा नोंदवला. १४ फेब्रुवारीला काळबादेवी परिसरात अजय कपाडिया (वय ५५) आणि अमित दिवेकर (वय ३४) यांच्यात समलिंगी संबंध सुरू होते. त्यादरम्यान कपाडिया बेशुद्ध पडले; मात्र अमितने त्यांना वैद्यकीय मदत न पुरविता तेथून पळ काढला. तसेच त्याने कपाडिया यांचे दोन मोबाईलही चोरले. दरम्यान, बेशुद्ध पडलेल्या कपाडिया यांचा मृत्यू झाला. याबाबत जी. टी. रुग्णालयातून पोलिसांना सूचना मिळाली. पोलिसांनी प्रथम अपघाती मृत्यूची नोंद घेत चौकशी सुरू केली. अमितने वेळीच डॉक्टर बोलावले असते किंवा कपाडिया यांना रुग्णालयात दाखल केले असते, तर त्यांचा जीव वाचू शकला असता, असे पोलिसांनी सांगितले.