मुंबईतील तापमानात वाढ

मुंबईतील तापमानात वाढ
मुंबई, ता. १३ : पावसाने रविवारी (ता. १३) मुंबईकडे पाठ फिरवली असून दिवसभर कडकडीत ऊन जाणवत होते. काही भागांत किरकोळ सरी झाल्या असल्या, तरी बहुतांश ठिकाणी उन्हाचा तडाखा जाणवला. त्यामुळे तापमानातही थोडी वाढ होत ३१ अंश सेल्सिअस इतकी नोंदवण्यात आली.
मुंबईतील आर्द्रतेचे प्रमाणही रविवारी सकाळी ७८ टक्क्यांपर्यंत होते तर, सायंकाळी तेच ८४ ते ८७ टक्क्यांपर्यंत गेले. यामुळे दिवसभर मुंबईकरांना दमट आणि घामाघूम वातावरणाचा सामना करावा लागला. हवामान विभागाच्या अंदाजानुसार, सोमवारी (ता. १४) शहर आणि उपनगरात अधूनमधून हलक्या ते मध्यम सरींसह आकाश अंशतः ढगाळ राहणार आहे. तसेच काही ठिकाणी जोरदार वारे वाहण्याचीही शक्यता आहे. दरम्यान, मुंबईत सोमवारी कमाल तापमान ३१ अंश सेल्सिअस, तर किमान तापमान २५ अंश सेल्सिअस राहण्याचा अंदाज व्यक्त करण्यात आला आहे.