हर्बल हुक्का सेवा देणाऱ्या रेस्टॉरंट मालकांची उच्च न्यायालयात धाव
हर्बल हुक्का सेवा देणाऱ्या रेस्टॉरंट मालकांची उच्च न्यायालयात धाव
१२ रेस्टॉरंट मालकांची पोलिसांच्या कारवाईपासून संरक्षणाची मागणी
सकाळ वृत्तसेवा
मुंबई, ता. ५ ः रेस्टॉरंट्समध्ये तंबाखूविरहित आणि हर्बल हुक्का देत असल्याबद्दल कोणतीही आगाऊ सूचना अथवा नोटीस न बजावता मुंबई पोलिसांकडून केल्या जाणाऱ्या कारवाईविरोधात १२ रेस्टॉरंट्स मालकांनी उच्च न्यायालयात धाव घेतली आहे. तसेच पोलिसांच्या कारवाईपासून संरक्षण देण्याची मागणी केली आहे.
उच्च न्यायालयाच्या २२ ऑगस्ट २०१९ रोजीच्या आदेशाचे याचिकाकर्ते पूर्ण पालन करून केवळ तंबाखूमुक्त हर्बल हुक्का देणारी रेस्टॉरंट्स चालवतात. ही सेवा देण्याला परवानगी असल्याचा दावाही रेस्टॉरंट मालकांनी याचिकेतून केला आहे. उच्च न्यायालयाच्या २०१९च्या आदेशाला न जुमानता, गृह विभागाच्या आदेशाने पोलिस रेस्टॉरंटवर छापे टाकून रेस्टॉरंट मालकांना हर्बल हुक्का देणे बंद करण्याच्या धमक्या देत आहेत. पोलिसांची ही कारवाई न्यायालयाच्या आदेशांचे उल्लंघन असल्याचा आरोपही याचिकाकर्त्यांनी केला आहे.
आपल्या कोणतीही पूर्वसूचना न देता ही कारवाई केली आहे. रेस्टॉरंट्सना आर्थिक नुकसान सहन करावे लागत असून त्याचा कर्मचाऱ्यांच्या वेतनावर परिणाम होत असल्याचा दावाही याचिकाकर्त्यांनी केला आहे. या याचिकेवर नुकतीच न्या. चंद्रशेखर आणि न्या. मंजुषा देशपांडे यांच्या खंडपीठापुढे सुनावणी झाली. त्या वेळी न्यायालयाने सरकारी वकिलांना सूचना घेण्यासाठी वेळ दिला आणि याचिकाकर्त्यांना अतिरिक्त तपशीलांसह सुधारित याचिका करण्याचे आदेश दिले.
गृह विभागाने ६ जून २०२५ रोजी एक परिपत्रक काढून बेकायदा हुक्का पार्लरविरुद्ध कठोर कारवाई करण्याचे आदेश दिले होते. तसेच अशा कृत्यांना परवानगी देणाऱ्या पोलिसांना जबाबदार धरले जाईल, असा इशाराही दिला होता. याचिकाकर्ते तंबाखूविरहित हुक्का देत नाहीत आणि सिगारेट व इतर तंबाखूजन्य उत्पादने कायद्याच्या सर्व नियमांचे पालन करतो, त्यामुळे हे परिपत्रक आपल्याला लागू होत नसल्याचा दावा याचिकाकर्त्यांनी पोलिसांच्या कारवाईपासून संरक्षणाची मागणी करताना केला आहे. यासंदर्भात पोलिस अधिकाऱ्यांशी पत्रव्यवहार करून याचिकाकर्त्यांनी २०१९च्या उच्च न्यायालयाच्या आदेशाचे पालन करण्याची हमी दिली होती; परंतु आश्वासन देऊनही पोलिस त्यांच्या कामात व्यत्यय आणत असल्याचा आरोप याचिकेतून केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.